Við vonum að allir séu búnir að hafa það gott í sumar. Búið er að vinna úr miklum fjölda umsókna fyrir skólaárið 2015-2016. Það er gríðarleg aðsókn í skólahljómsveitina í vetur og þess vegna sitja margir á biðlista og bíða eftir því að pláss losni. Kennsla hefst samkvæmt stundaská mánudaginn 24. ágúst en æfingar hjá skólahljómsveitinni byrja í fyrstu vikunni í september.

Það var líf og fjör í Eldborgarsal Hörpu þegar Skólahljómsveit Árbæjar og Breiðholts lék með Sinfóníuhljómsveit Íslands.

Eldborgarsalurinn var þétt setinn börnum úr 2. og 3. bekk Breiðholtsskóla, Árbæjarskóla, Ártúnsskóla, Hólabrekkuskóla og Fellaskóla. A-, B- og C- sveitir skólahljómsveitar Árbæjar og Breiðholts léku með sinfóníunni en þær hafa verið að æfa með henni í vetur. Þetta var því stór dagur fyrir skólahljómsveitina og lokahnykkur á samstarfi hennar við sinfóníuna í vetur. Skólahljómsveitin mun halda áfram samstarfi við Sinfóníuhljómsveitina næsta vetur.  Eftir tónleikana var börnunum boðið upp á ávexti og líflegan dans við undirleik sinfóníunnar frammi á svölum Hörpunnar.